Khit Thit သတင်းဌာန၏ ဇူလိုင် ၁၅ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇူလိုင် ၁၅ ရက် ညနေပိုင်းတင်ဆက်ပေးမယ့်သတင်းတွေကတော့ -မြန်မာစစ်တပ်အနေနဲ့ လက်နက်ချပြီး ဒီမိုကရေစီ လမ်းကြောင်းကို ပြန်သွားရေးအတွက် အာဆီယံ နဲ့ အမေရိကန် ကနေ ဖိအားပေးရမယ်လို့ အမေရိကန်နိုင်ငံခြားရေးဝန်ကြီး Antony Blinken က ပြောဆိုလိုက်ပါတယ်။ - စစ်ကိုင်းတိုင်း၊ တန့်ဆည်မြို့နယ်၊ သပြေရင်းကျေးရွာအနီးမှာ ဒီကနေ့ ဇူလိုင်လ ၁၅ ရက်နေ့ မနက်ပိုင်းက စပြီး တိုက်ပွဲဖြစ်ပွားနေရာမှာ အကြမ်းဖက် စစ်ကောင်စီဘက်က ထိခိုက်သေဆုံးမှု များနေတဲ့အတွက် Mi 35 ရဟတ် ယာဥ်နဲ့ လာရောက် ပစ်ခတ်နေတယ်လို့ ဒေသကာကွယ်ရေး တပ်ဖွဲ့ဝင်တွေက ရန်ကုန်ခေတ်သစ် ကိုပြောပါတယ်။ - မြန်မာ စစ်တပ် နဲ့ ရဲတွေအပါအဝင် နယ်ခြားစောင့်တပ်တွေက မုဒိမ်းကျင့်တာတွေ နဲ့ လိင်ပိုင်းဆိုင်ရာ အကြမ်းဖက်မှုတွေကို စစ်ရေးဗျူဟာ နဲ့ နိုင်ငံရေးဖိနှိပ်မှုအဖြစ် အသုံးချနေမှုတွေကို ကုလသမဂ္ဂအစီရင်ခံစာမှာ ထည့်သွင်းဖော်ပြလိုက်တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
